لوح ساده

لوح ساده

لوح ساده
نوشته ها شعر ها وتحقیقات 
قالب وبلاگ
لینک دوستان

 

بو گون خرداد آیونون ایکی سینده ، گئتدیک چیخدیک قیز قالاسینه . قیز قالا سی ساوه نین بیر تاریخی قالاسی دیر . بو قالا دا بیزیم ساسانی اجدادیمیزین قصر و تاپیناقی واروموش .بو قالا نون اوچ مین متر مساحتی وار . بو قالادان ساوه نین دشتی کی دئییلیر اسلام دان قاباخ دریاچه ییمیش نظر آلتونا توتولار .شوکر آلا ها کی بیزیم گروه تدقیقاتوموز شکل تاپوپ و یاخچی یولداشلار تاپموشوک . ساعت دوقوز یارومدا پارک ولیعصر ساوه ده بیر بیرین گوردوک ، اورادان یولا دوشدوک ، یئل آباد کندیندن قره دیندن و سرخده دن گئچدیک و قیز قالا سی کندینه چاتدوک . اوردا بیر یول تانیشی تاپدوک کی سوزلری و گپ له شی اوره گه یاتاردی . بو آقانون آدی حسین راستگوییدی . ایشان اوخودی :

قیز قالاسی گلمیشم سنی گور مه گه                 گلینین هوروگون هورمه گه

الّی یاشی وار و کوسه لر تیره سیندن دیر . آقای راستگو دئییر دی قیز قالا، یانی بکر ، دست نخورده و دئییردی بوردا رازلار یاتیب اوغلان ایستیری کی بیله .

گئتدیک چیخدیک قالا باشونا و گورمه لی منظره لر گوردوک .اوردا اوتدوک و آقای رحمتی کی منجیقان اوشاقودور و انجمن ادبی ساوه ده فعالیّت ائلر ، شعر لریندن اوخودو .چوخ بئله احساس لی . آقای رحمتی شعری فارسیجاییدی و بویوردی کی کلاسیک سبکینده مشق ائلر .آقای محمد براتی تیلیم خان کندلی سی ده شعر اوخودی گوز له مه شعرین آدی دیر : الا یا ایهالساقی گتیر پیمانه گول چاقی

 گولنده گول گولوستانداخمار قويما بو عشّاقي

 

صاباح كام السا گوللردن قارانقو گئتسه ديللردن

ياپيشاق يارپاق اللردن گزك بوستان­ايلن باغي

 

چيچك­لر چؤلده آچولدو غمين بنيادي آوولدو

صبا سونبوللره گولدو بزتميش لاله يئيلاقي

 

صبا گلميشدي باغلاردان خبر وئردي عاشقلاردان

دئدي كام آلماغا ياردان چتين باغلاللا بئلماغي

 

گوله بنزر ياناقلارين گؤز اوسته قوي آياقلارين

سنين غونچا دوداقلارين بازاردان سالدي قئيماغي

 

گولوستاني خزان آلسا يورك مثل-بولود دولسا

اگر غم داغ كيمي اولسا آشاق جئيران كيمي داغي

 

بولاغ باشين آليب يارپوز يورك تاب ائيلمز يارسوز

او اينچه بئلدي يا گيرسوز يوره­گيم يانديريب داغي؟

آقای عیسی کریمی ده کی تیلیم خان کندلی

سی دیر شعرین اوخودو : گون لریم اوخشایور شاما گونلريم اوخشايير شاما

من آغلارام سن اوخشاما

گله­جگيني اونوتما

گون يئتر مي او آخشاما....؟

 

 

آقای عبدالله واشقانی کی اون ایل بعثی لر اساره تینده ییمیش و نئچه اثری وار و خلج تورکلریندن دیر دانوشدولار ، ایشانون بیر کیتابینین آدی " واشقان در گذر تاریخدیر "

آقای واشقانی نظری بوییدی کی بورا گره ک قیزیل قلعه اولا چون تور پاقی قیرمیزی دیر و آقای مهندس امیری دئییردی شاید اوغوز لارا ربطی اولا و اوغوز قالاییمیش .

آقای علی غلامی ده بیر شعر اوخودو : ایلان اولاخ سانجمیاخ .....سوز دانوشاک قاچمیاک

آقای امیری محمد کاتب ساوجی دن سوز آچدیلار کی تور ک لره خیدمت ائلییب و دیوان لغات ترک کاشغرینی استنساخ ائله ییب . و باعث اولوب کی بو کیتاب الدن گئتمییه .بو جمع ده آقای مرتضی شاکری و فرامرز عسگری ده وارودولار .

حسین راستگو بو قالایا گلیب گئدن لردن دانیشدی . انیب گلنده آیری یولداشلار کی ماشین لاری یولدا  خاراب اولموشدی چاتدیلار . بیز گلدیک و سوز لریمیز ادامه تاپدی . حاج احمد امیر ی اللری آغریماسین ناهار بارلاموشدی . اوتدوک اوردا آقای واشقانی آثارین گوردوک . آقای فتحعلی واشقانی دن ایکی کتاب به خط نستعلیق کی گوزه ل گوزه ل خطی واریدی . آقای امیری کردرلی براتعلی فتح اللهی شعرین اوخودی : کلش لریم گتیرین ایستیرم گئدم

آقای جمراسی ، آقای ابوالقاسمی ، آقای سهرابی و آقای سلام زاده ده گلدیلر و یری ییز بوش ناهاری یئدیک و آقای سلام زاده نین و آقای سهرابینین  سازونا قولاخ  آسدوک و منیم نن آقای غلامی یولا دوشدوک و گلدیک . انشاءالله آقای رحمتی و اوبیریسی دوستلاریمیز بیر بالاجا زندگی نامه و شعرلریندن بیزه یولا سین لار تا وبلاگیمیزی اورلارا مزیّن ائده ک .

[ 88/03/08 ] [ 3:25 بعد از ظهر ] [ الیاس امیرحسنی ]

 

1-   قورت بالا گور ستمه :

بو مثلی بیر کیمسیه چکرلر کی اگر  بیر ایش آداما گوره اوقرته آدامون گوزونه چئکر کی آدامون اتی توکولر و بونون داستانی وار : بیر پادشاه واروموش ، ایستر، دور و برینده کی لری امتحان ائلیه ، دییئر من بیر قوزی سیزه وئره رم گره ک بو قوزی آلتی آیدان سونرا نه بیر ذره چاغ اولموش اولا ونه آروخلویا .هر کیمسه آپارار بیلمز نیله سین و قوزی یا اولریا آروخلار یا چاغ اولار

بیر نفر دییئر من باشاررام ، قوزینی آپارار و سحر دن آخشاما اونی بجریر ، اویاندان گئدر بیر قورت بالاسی توتار گتیررو و هر گون آخشام چاقی قورت بالاسینی قوزیا گورستیر و قوزی هرنه کی یئمیشدی سو اولور .

2-   قارا پالاس یو ماقونان بوز اولماز

بو مثلی حکیم تیلیم خان شعرلرینده چوخ ایشله تیب

3-کهنه خرمن ساوور ما

4- دیشی آغرودی چئک قورتول ، باشوی آغرودی اول قورتول

5- تورپاقا( توپراقا) بئلی باتمیری گئدیب چمن بیلیری

6- بابا سینی گورمه سه شاه لوق ادّعاسی ائلر

7- گئچی گئچیه باخدی

8- کپک دیوار کولگه سینده یاتوب دئییری بلکه اوز کولگه سیدیر

9- بولاغ گره ک اوزوندن جوشا

10- سیکمر چایی گلدی قیزلریی بختی آچیلدی

رازقاندا سیکمر آدلی چای وار کی هر وقت بو چایدان سو گئله دییئر لر قیز لر بختی آچیلدی یانی (یعنی ) رزق و روزی چوخ اولدی و اوغلانلار باشارار ائو لن سین و قیز لر اره گئتسین .

11- بیردانا آب قند بدون قند

دییئرلر رحمتلیک کربلایی ابالفضل مچیدده چایی وئره ریمیش و بیر نفر گئلریمیش هرنه باخاروموش و دوراروموش چایی دان خبر اولمازوموش اوند ا دییئریمیش عمی بیر دانا آب قند بدون قند وئر منه یانی بی ارزش بیر شی ایسته ماق

12- قولی قوباد مزرعه سینه

گویه بولوت گئلر ، رازقاندا بیر قوجا خانوم واروموش بولاتلاری گورنده دییئر آلله جان قولی قوباد مزرعه سینه یاغسون ، بولوتلار کی یاغار گورر تولی یاغیری دییئر یو آلله جان کل عالم مزرعه سینه

13- هامویا ننه دیر اوزونه اوگئی ننه

14- قلیچ اوز دسته سین کسمز

15- فامیل فامیلی اتین یئسه سوموگون آتماز

16- مچید آچولماموش کور قاپونی توتوب

17- آی باجی سوز چوخ ، وقت یوخ

18- قاپیدان قاوورای باجادان گئلیری

19 – دئوه قان گوردی

20- ایری یوک منزیله چاتماز

21- کچل قیزی نمه سی وار، دمیر دن بیر تاراقی

22- غریبه نی کنده قویما آلوچانی باغا

23- بیری باتمان اولدی ، بیری یاروم

24- ایلانوی آغونادا لعنت، قاراسونادا

25- اشّک هارا دوشک هارا

26- ییخیله نی دوستی اولماز دئییری یو بیر پی ییخیل

27- کد خدا ائوینده قوز چوخ اولار ، سایی وار

28- ایلانی بیری توتا بیری ده گوزونه تورپاق توکه

29- سن توتان قوشون من قویروقون یونموشام

30- سن گوز گوده گوره نی قوجا خشت خام دا گورئر

31- همدان اوزاخ کردیسی یاووخ

32- کور توتدوقون بیراخماز

33- پیشیک ایشه گی درگاها کومک دیر

34- دئوه بوش یولا گئتمز

35- چوره ک آچانی قیلیچ آچماز

36 – قوردا نصیحت ائله سی دییئر مسلمان قویینی گدیکدن گچدی

37- هاموسی شعبان بیر ده رمضان

38- اوزو موزوی آز غوصّا موز وارقونشونوی دا داناسی یوتوب

39- آرواد کیشینی ساخلار ، پنیری دری

40- آغ گون آغارتار قارا گون غارالتار

41- گور دوی اریی ار ده گیل ، ترکینی ده عار ده گیل

42- آغزوندا مرجی ایسلانماز

43- داشدان سس چیخه ر، بوندان سس چیخمز

44- قوزی جوت گور مه سه کوره مزله آتماز

یانی حواسی جمع دیر ، بی خود بیر ایشی گورمز

45- ییخیخ ائوی دیره گی دیر

قیز لردن اوزمان کی ایستک لری اولور تعریف ائلیینده دییئر لر

46- دئییری بلکه آغزونا قاووت دولدوروبلار

47- دئییری بلکه افغان تو کیلیری

بیر نفر کی دییئر قاپونی تئز باقلا اونا مثل چئکر لر

48- بیر قازوخ یئری بیزه وئریی

قدیم ده کی شاهسون لر کنده گئلریمیش لر اوتراقا گوره دییئریمیش لر ،بالای ساغ اولسون بیر قازوخ یئری بیزه وئریی اوندان سورا کی چادور لارون قوراروموش لار داها هامی ایش گوره ریمیش لر و کندی یایا روموش لار

49- بورنینی داغ سوته باسوبلار

بونی بیر حیوان کی قورخا بیر یئر دن گئچه دییئر لر و شاهسون لر ایچینده بیر رسمی وار

50- گوله لیک ده قولاغینی بورخموشام

اوشاق لوقدا تربیت اولوب

۵۱- چوخ ایستی یئنه بالوغ وئر مه با لوغ توتماقی اور گئت.

۵۲- ایت ایه سینی تانیمیری

۵۳- خاصییته نصیحت اولماز

۵۴- سوتونن گلیب سوموگونن گئدر

۵۵- کیشی سیل دیر آرواد گول دور

۵۶- وئره نه وئررلر گوزه گیره نه ده وئررلر؟

۵۷- آداموی اول ایشینی نه دوست گورسون نه دوشمن

۵۸- آغلایانا ممه وئررلر

۵۹- نسیه آلانوی ایکی پی کئفی وار بیر آلاندا بیرپولون وئرنده

60- آتی آلماموش آوخورون باغلیری

61- بیر ایینه اوزویه بیر جووالدوز اوزگیه

62- آلله دان قورخمویان بنده دن قورخماز

63- تارویا بنده لیق ائله میری

64- سیچان ده لیگین ساتون آلیری

65- گئت بورکیوی گویه آت

66- سه نی اوزویدن کلش تیکی قیریلمز

67-سیبیللریندن قان دامیری

68- دئوه گوردوی گور مه میشی

69- بیر جین ده گیل بیر بیسم اللّهونان ییخیله

70- دیلییه گوره دیلچه کی اولسون

71- آغزون آچدی گوزون یومدی

72- داغ داغا چاتماز آدام آداما چاتار

73- آی داغلار نقدرگوزلر سیزه ساتاشوب ( رحمتلیک مشهدی نصرت دییئردی )

74- گئچی باشونا چپر گئچیب

75- قوجاقونا بلک وئرمه

76- دیشی نی دیبیندن چیخه نی دئدی

77- صبر ائله مربا چیخه جخ ای قورا سندن

78- منیم اشّگیم یوتوب سنی شوخلوقوی توتوب

79- سه نی قاپویدا ایت یاتدی من یاتدیم

80- اشّگ قاشدی پالان دوشدی

81- ال الی یو وار ال ده دونر یوزی یووار

82- ایت هوروب اوزونه

83- سوتویه لعنت ( رحمتلیک مشهدی نصرت دییئر دی)

84- تو قاشقایا ( دوشانی گوره نده دییئرلر –دوشان بد شگون دیر )

85- آتیمی هارا باقلایوم ؟باقلا منیم دیلیمه

بیر نفر کوچادان گئچیریمیش، بیریسی قاپوسوندا اونی گورر و ائوه دعوت ائلر ، کیشی گئلر حایاتا ، دییئر آتیمی هارا باقلایوم ، دییئر باقلا منیم دیلیمه

86- دایو یوی جوم اولموشی بورادور

بیر نفر بیرینه قناق اولور ،دییئر من آللّهون باجی اوغلوسی یام ، بیر مد دت دن ائو صاحاب ایستر ائوی سوپوره ، دییئر دور مین منیم دالوما آپاروم دولاندوروم ، آپارار مچیدین قاپوسوندا وورار یئره دییئر : دایو یوی جوم اولموشی بورادور

87- شیطانا پاپوش تیکر

88- گوتی باشونا آغورلوق ائلیری

89- ساپی سوست اولدی

90- ایپی قیریلدی

91- قویّی قازانون آروادی دول اولور

92-قویّی قازان تهینده دیر

93- بی دستاماز دینگه ناماز هی وئر و وئر

 

 

 

 

[ 88/03/04 ] [ 10:45 بعد از ظهر ] [ الیاس امیرحسنی ]
.: Weblog Themes By WeblogSkin :.
درباره وبلاگ

این وبلاگ یک وبلاگ شخصی است و نظرات نویسنده ی آن را منعکس می کند .
آرشيو مطالب
لینک های مفید
امکانات وب
70679938059719097999.jpg 37100333560001494192.jpg 96260338020910716627.jpg 83955262833049991140.jpg
98325133778260761837.jpg 13192359678334923848.jpg 92432663168918956254.jpg 76601056360317491608.jpg 97977203776596473316.jpg 06154878930492197365.jpg 49359353798067859124.jpg